Elnevndin

Elnevndin er stovnur undir Vinnumálaráðnum, ið umsitur løgtingslógirnar um sterkstreymsútbúnað og løggilding av elinnleggjarum.

Sambært Løgtingslóg nr. 134 frá 10.06.1993, 2. kapittul §6 er elnevndin samansett av formanni, ið skal vera lógfrøðingur, rakstrarleiðaranum fyri SEV, stjóranum fyri Landsverk, einum góðkendum elinnleggjara, sum Føroya elinnleggjarfelag tilnevnir, og einum limi við elfrøðiligari útbúgving.
Landsstýrið tilnevnir formannin og seinast nevnda lim.

Elnevndin er mannað við Bjartur Dalsgarð (form.), Finn Jakobsen, Oyvindur Brimnes, Magnus Magnussen og Petur í Króki. Skrivari í elnevndini er Jógvan Sørin Hansen.